COMENTARIO SOBRE RECURSOS TIC PARA O AULA

Boas noites! 

Hoxe vou a falar un pouco sobre algúns recursos que atopei e me pareceron interesantes para comentar. Como xa se menciona na propia portada do blog e na miña reflexión anterior, en Culturalízate con BrainStorming tratamos principalmente a diversidade, así que as miñas buscas foron precisamente sobre este asunto.

Penso que estaría ben tratar este tema a través de recursos que o fagan máis divertido e sinxelo de entender para os nenos e as nenas, xa que así probablemente se consiga que se interesen máis por el.

O primeiro no que pensei para tratar a diversidade foi en buscar recursos que nos permitan realizar animacións dixitais, como contos, cómics ou videoclips. Por exemplo, con Crea Cómics (de GenMàgic) pódense crear cómics dunha maneira moi sinxela, de forma que podemos escoller os escenarios das viñetas, engadirlles personaxes, obxectos e diálogos, e incluso escribir sobre elas.

Se falamos de diversidade cultural, referímonos ó respeto e á integración dos alumnos e alumnas que proceden doutros países. Considero que unha boa forma de integrarlos e integralas é que o alumnado en xeral sepa algo sobre as culturas foráneas. Existen numerosas webs para crear os nosos propios puzzles, sopas de letras, crucigramas, laberintos, mensaxes… como por exemplo Puzzlemaker, Crossword Puzzle Games, edHelper.com, ou Kubbu;  ou tamén outras cas que poidamos propor exercicios de vocabulario, no sentido de que a partir deles se poidan aprender palabras doutras linguas.

Por outra parte, no relativo á diversidade tamén hai que ter en conta ós rapaces e rapazas con necesidades educativas especiais, referíndome neste caso ás discapacidades, e ós nenos e nenas superdotados/as ou con altas capacidades.

Atopei, por exemplo, o proxecto Azahar, que consiste nunha serie de aplicacións (música, fotos, vídeos , alarmas…) que se poden descargar de forma gratuíta e que serven para axudar a mellorar a calidade de vida das persoas con autismo ou discapacidade intelectual. A maiores hai outros programas e webs sobre discapacidade visual, auditiva, física ou psíquica como o software “Lee todo”, o sistema Avel, Globus 3, Dragon Naturally…

Para despedirme, dicirvos que ARCE quiero saber é unha páxina na que podemos atopar blogs, experiencias educativas ou consellos relacionados cos nenos e nenas superdotados/as, entre outras cousas.

Un saúdo,

Eva M. Gayoso