REFLEXIÓN SOBRE A PROCURA DOS RECURSOS TIC

Bos días xentiña!

Estes últimos días a tarefa de Novas Tecnoloxías consistía en buscar dous recursos TIC que tiveran que ver co noso tema, é dicir, ca atención á diversidade. Posteriormente realizaremos un póster dixital no que explicaremos un pouco en que consisten e os usos que se lles poderían dar. O asunto da reflexión de hoxe consiste en dar unha opinión sobre as nosas procuras, pero no sentido da facilidade ou da dificultade que tivemos para atopar tales recursos TIC. Desde o meu punto de vista dar con estes estes recursos non foi tan doado por algúns motivos que vou a comentar a continuación.

O maior impedimento co que me topei foi o feito de que moitos dos recursos que atopaba non me convencían porque dunha forma ou de outra non me servían para o que necesitaba.

Alguhas destas limitacións foron que os medios non estaban destinados á Educación Primaria, que non trataban o tema do noso traballo, que dentro do propio recurso non se incluían actividades suficientes… básicamente non eran a idea que eu tiña en mente. Como consecuencia disto, levoume máis tempo do que eu pensaba realizar a tarefa, aínda que con esto non quero dicir que tardase tanto até o punto de que foi demasiado complicado, nin moito menos. Simplemente antes de ver as posibilidades que había non pensaba que os materiais que ía ir atopando tiveran esas carencias e non me servisen.

Pero por outra parte, a pesar destas dificultades tamén considero que con algo de paciencia se poden atopar ferramentas e vías de grande utilidade. Se en lugar de quedarnos co primeiro que atopamos realizamos unha busca máis ampla podemos chegar a descubrir materiais que nos poden ser de proveito; hai certos recursos que teñen moito valor educativo. Pola miña parte estou contenta cas opcións que fianalmente escollín e espero que vos gusten e teñan un resultado bó para o traballo.

Un saúdo


Eva M. Gayoso